وسام شرف بقلمى

(بدات الاحداث بالنسبالى يوم النتيجة انا فى العادة بستنى اخويا هشام يجيبهالى وبعد مستنيه )

هشام: وسام جبت النتيجة

انا: ها عملت ايه؟

هشام:ومالك متحمسه اوى كدا يا شيخة انا لو منك انكسف

(يا خبر هو ايه الى حصل)

انا: اصدك ايه يا هشام

هشام: جيد جدا يا شيخة حرام عليكى

انا: منك لله خضتنى

بابا: برافوا يا وسام جوز عمتك جى يتغدى عندنا النهردة وزمانه فى الطرق

انا: وعمتو جايه يا بابا

بابا: لا هى مشغوله اصل شرف ابن عمتك سقط

هشام: تانى هو ايه مبيذاكرش خالص كدا

انا: معلش يمكن عاندة ظروف ولا حاجة

بابا: مهو كدا بقى دفعتك يا وسام

انا: والله عمتوا دى صعبانه عليا اوى

(وبعد شويه مش كتير جوز عمتى وصل وسليمنا عليه كلنا واتغدى معانا واعد مع بابا لوحدهم فى المكتب يجى ساعة وزيادة وانا وماما وهشام قاعدين نتفرج على التليفزيون)

بابا: هشام روح اعد مع جوز عمتك شويا

هشام: حاضر يا بابا

ماما: خير يا ابو هشام

بابا: ايه رايك لو وسام تسافر تعد عند عمتها تدرس هناك؟

ماما: وليه الشحططه دى بس مهى هنا مستريحة

بابا: مستقبلها لو اتخرجت من هناك احسن وفرص الشغل كتير والجامعة كمان اعرق وانضف قلتى ايه يا وسام؟

انا: الى تشوفه يا بابا

ماما: يعنى انت موافق ؟

بابا: اهه نجرب السنادى ونشوف وبعدين مهى مش رايحة عند حد غريب دى عمتها

ماما: خلاص الى تشوفه

بابا: خلاص هتسافر النهردة مع جوز عمتها علشان يروحوا يخلصوا الاجرائات فى الجامعة هناك

ماما: ايه السربعة دى بس

بابا: معلش اه الى حصل

انا: يعنى افهم من كدا انى اجهز شنطتى

بابا: ايوة وخلى ماما تساعدك ولو محتاجة حاجة خلى هشام يجيبهالك وخلى دول معاكى يمكن تحتاجى لحاجه

(وادانى اربعتلاف جنيه ورتبت انا وماما الشنطة ولبست

كل حاجة حصلت بسرعه معرفش ايه الى خلى بابا مستعجل اوى كدا بس هعمل ايه ركبنا القطر ووصلنا البيت وكانت المقابله زى ماشفتم)

(الاخ شرف مستكبر يجى يسلم ولما جه كان فى منتهى قله الزوق وكانى جايه افرسه ولا حاجه بس مكنش فى دماغى اصلى جايه اتعلم وبس)

(بس الغريب بجد اننا اعدنا طول الاجازة مبنكلمش بعض وان اتكلمنا نتخانق

وكانت شخصيته غريبه جدا يعنى فى يوم طلبت من عمتوا انى اوصل النت بالاب بتاعى وعمتوا طلبت منوا وهوا رفض بشده واعد يقول يعنى هيا صغيرة متركبه هى

ولما قلت لعمتوا خلاص

وسبنا الاوضه لاقيناه لبس ونزل جاب الكبل وركبه وستب النت ولا كانه كان رافض من شويه وكدا فى كل حاجة)

(فى يوم جمعه صحيت من النوم بدرى كالعادة ودخلت المطبخ واعدت اساعد عمتوا فى تحضير الفطار وبعد كدا رتبت اضتى وخت الهدوم الى عايزة تتغسل وحطيتها فى الفلاوتوماتيك

واعدنا نفطر شرف كان دايما يجى يعد فى الكرسى الى جنبى معرفش ليه

فطروا ونزلوا الصلاه ودخلت اوضة شرف خت القمصان الى مرميه فى كل حته وحطيتها فى الغساله وغسلتها ونشرطها ومحدش قالى حاجة )

شرف: فين قميصى اللبنى يا ماما

عمتوا: معرفش يا شرف اسال وسام

انا: اصدك دا انا غسلته

شرف بمنتهى النرفزة ام مسرخ فى وشى: وانت مالك ومال هدومى حد قالك تغسليها القميص دا درى كلين كمان مبتعرفيش تغسلى اديكى بوظتيه هينفعنى بقا غسيلك ليه لو سمحت متلمسيش حجتى بعد كدا وقام حادف القميص بكل قوه فى وشى

(انامسكت دموعى بالعافيه وخت القميص ودخلت اوضتى وافلت على نفسى اعدت اعيط شويا وبعد كدا امت واخدة القميص ونازله)

_معلش يا وسام انا هكمل الجزء دا

-اشمعنى يعنى يا شرف

_معلش

-خلاص براحتك

(بصوا انا عارف ان محدش فيكوا طايقنى بس ادونى فرصه واسمعونى انا مبنكرش انى غلطت بس انا هحكى الى حصل )

(انا كنت قاعد مخنوق فى الاوضه مش عارف ازاى عملت حاجه زى دى وبعد كدا اتهيالى انى سمعت صوت الباب بيتافل افتكرت ان بابا جه وخرجت من الاوضه)

(لاقيت باب اوضه وسام مافول وملقيتش حد فى الصاله وماما خارجة من المطبخ بتقول)

ماما: هو مين الى جه

انا: معرفش

(امت ماما دخلت اوضيتها وطلعت)

ماما: ابوك مش جوه

(وراحت فتحت باب وسام)

ماما: وسام مش هنا

(الكلمه دى خلت دماغى يجديب ويروح تكون سافرت لباباها وسام متعرفش الشوارع هنا ممكن تتوه طب ايه العمل وفى ثانيه قمت نازل جرى على السلم بس على موصلت لباب العمارة مكنش فى حد ممكن اتعرف عليه فى الشارع غير ولد صغيراسمه حسام)

انا:شفت وسام يا حسام

حسام: وسام مين

انا: بنت خالى بنت ............ (ومعرفتش اوصفها)

انا: بنت نزلت من عندنا فى العمارة من دقايق

حسام: اه دى ركبت تاكسى بس مخدتش بالى هى راحت فين

انا: شكرا يا حسام

(طلعت لبست هدومى وخدت الموبايل وطلبت من ماما تعد ترن على وسام ولما تلاقيها تتصل بيا وركبت العربيه وبقيت الف الشوارع زى المجنون اكتر من ساعتين ومحدش عبرنى)

(وفاجه التليفون رن)

انا: الوووو ايو يا ماما ايه الاخبار

ماما: ارجع يا شرف وسام روحت

انا: الحمد لله انا فى الطريق

(واول مدخلت من الباب ولقيتها ماديرتش امسك نفسى)

انا بعلو صوتى: انت فاكره نافسك مين تألقينا عليكى كدا و............

(وفاجئه لقيت علبه هدايا فى وشى بكل قوتها حدفتها عليا)

وسام: كدا احنا خالصين عن اذنكم انا داخله انام

(انا فتحت الكيسه فى دخول بابا ولقيت فيها قميص جديد نفس التانى نفس اللون ونفس الموديل والقماش بصراحة انكسفت اوى من نفسى غير ان القميص القديم كان موجود هو كمان فى الكيسه)

بابا: ايه دا ؟

ماما: انت عرفت الى شرف عمله فى وسام

وسام خرجت بسرعه من الاوضه

وسام: ازيك يا عموا شوفت الى شرف عمله فيا

عموا: عمل ايه الواد دا

وسام طلعت كيس هدايا فيه ازازه برفيوم وقالت :جابلى دى هديه

(انا كنت واقف فاتح بقى ومش فاهم حاجة خالص دى كانت فرصتها انا غلط فيها ازاى تضيعها)

(وماما كمان دحكت وماتكلمتش )

(انا بصراحة حطيت جزمه فى بقى واتخرست ودخلت الاوضه وقفلت على نفسى ومعرفتش افتح عينى فيها طول الاجازه غير بالهزار)

بس سمعت وسام بتقول: بس انا نزلت اجيب له هديه جبتله قميص بس يا خسارة طلع عندة واحد زيه بالظبط

بابا: انا مبسوط جدا بالى انا بسمعه دا اخيرا الولد دا بدا يعرف ازاى يتعامل مع الناس صح

-ممكن اكمل بقا يا شرف

_لا انا الى هحكى الباقى

-خلاص براحتك

(صحيت وسام بدرى اوى ولبست وقعدت تخبط على باب الاوضه لحد مصحيت وطلعتلها)

انا: ايه فى ايه

وسام: انت مش رايح الكليه

انا: لا مبروحش اول يوم

وسام: طب والجدول

انا: هجيبه بكرة

وسام: طب وانا

انا: انت ايه

وسام :عموا قالى قبل مينزل انك هتيجى معايا يعنى هتوصلنى

انا: بابا قالك كدا

وسام: اه والله

انا: خلاص استنى شويه هلبس واوصلك

وسام: بس متتاخرش

انا: ساعة واحده

(وطبعا لبست الحته الى على الحبل واعدت طول مانا بلبس اتصل بالعيال الفشله صحابى وخليتهم يلبسوا ويجوا الكليه)

(واول مخرجت من الاوضه لقيت وسام واقفه تبصلى وتدحك عليا)

انا: نعم فى حاجة

وسام: لا بس ايه الى انت لبسه ده

انا: اصدك ايه

وسام:يعنى ايه الحجات الى فى ايدك دى وبنطلونك خلاص خلاص هههههههه يلا بيناههههههههههههه

انا : دى روشنه وبعدين دى موضه

وسام: هو انتوا تلواقتى بتسموا العك روشنه دا حتى الالوان مش ماشيه مع بعض

انا: خلاص يا خبيره ممكن نروح بقى ولا ادخل انام احسن

وسام: خلاص خلاص ههههههههه

انا: طيب يا وسام انا اصلا محقوقلك قولى طيب المفروض البس ايه

وسام:معرفش عادى يعنى

انا : والعادى ده يعنى ايه

وسام: حاجه مش روشه اوى كدا بالراحه على الناس ههههههههه بص هتفق معاك اتفاق انا اختارلك الى انت هتلبسه النهرده وانت تختارلى الى انا هلبسه بكره ماشى

انا: ماشى بس الى يرجع

وسام: متخفش قول الكلام ده لنفسك

انا: خلاص اتفضلى

(دخلت وسام واختارت بنطلون جينز كوحلى وتشيرت لبنى حاجه بسيطه جدا وانا طبعا لبست الهدوم ونزلت بكره يومك يا وسام)

(بس بصراحه انا كنت حاسس ان فى حاجه غلط مكنتش واثق فى نفسى بس انا اتراهنت وعمرى مهخسر الرهان هخلى وسام تنسحب )

(وركبنا العربيه ورحنا الكليه وخت وسام وجبنا الجدول وكالعاده مكنش فى محاضرات فى اول يوم )

انا: وسام انا هعد مع اصحابى تعالى اعرفك عليهم

وسام: مش هنروح

انا: لو عايزة تروحى ممكن اروحك

جيجى: اخيرا لقيتك بقى تكلمنا تخلينا نيجى وتدوخنا عليك كدا

انا: انتوا قعدين فين

جيجى: اهلا

انا: اه اسف وسام بنت خالى معانا فى الدفعه جيجى واحده من الشله

وسام: اهلا تشرفنا

جيجى: اى حد من طرف شيرى يبقى حبيبنا

وسام: شيرى......................؟

انا: فين ميدوا والباقين

جيجى: عند الكافتيريا

انا: طيب يلا بينا

ميدو:ازيك يا مان مش تعرفنا

انا: وسام بنت خالى

وسام دول اصحابى جيمى و وميدو لولو وجيجى عرفتك عليها قبل كدا

جيمى قام جرى جاب كورسين وحط واحد لوسام: اتفضلى سعيد بمعرفتك

لولو: وسام اسمك حلو مش محتاج تغيير

وسام: تغيير.......؟ شرف ممكن كلمه

انا: هنا اسمى شريف

وسام: لا شرى احنا كدا هنتاخر هتوصلنى ولا لا

انا: طيب هوصلك بس نعد شويا

وسام: شويه بس

انا: حاضر مهو ده الى انا كنت عامل حسابه

ميدو: متيجى يا شريف نجيب الحاجه

(قمت انا وميدو نجيب الاكل )

ميدو: بقى دى الى انت مش طايقها

انا: انت متعرفش حاجه

ميدو: والله على الى انت قولتهولى على الميل انا اتخيلتها زومبى

انا : هو الوله جيمى ايه حكايته شايفه مش مظبوط

ميدوا: عادى يعنى تلاقيه عايز يعمل نفسه زوق متقلقش

(ولما رجعنا لقيت جيمى بيكلم وسام)

جيمى: وانت بقى يا وسام ايه رايك

وسام: بصراحه انا بعتز باسمى

جيجى: عادى يعنى مش معنى ان بباكى وممتك ادوكى اسم انت ملزمه بيه على الاقل بينك وبين اصحابك ولا انت ايه رايك يا شرى

انا: مش فاهم انتوا بتتكلموا عن ايه

وسام: جيجى مصممه انها تنقيلى اسم بدل وسام

انا: عادى يعنى دى اسامى دلع

جيمى: يعنى انا مثلا اسمى جمال وميدو محمد ولولو لمياء وجيجى بقى اسمها جميله وانت عارفه شريف

وسام: جميله اسم جميل مش عاجبك ازاى

جميله: انا مش بقول مش عاجبنى

انا: كفايه كلام غيرو الموضوع ممكن ناكل بقى

جميله: مالك النهرده يا شرى مش فى المود

جمال: بقولك ايه يا وسام انت معاكى موبايل

انا: اه معاها عايز تتكلم ممكن تاخد موبايلى

جمال: بالراحه يا شريف انا بس عايز النمرة

انا: انا معيش نمرتها تخدها انت بمناسبه ايه

ميدو: عادى يا مان اهدى بس متعملهاش مشكله

انا: انا مروح حد عايز حاجه

جمال: خلاص يا شريف انا اسف مش عايزها قعد بقى

جميله: اول مره تتخانقوا مع بعض انا مش شايفه ان فى حاجه تستاهل

لولو: انت مبتتكلميش ليه يا وسام

وسام: بصراحه اصل انا كدا اتاخرت ولازم اروح

انا: خلاص اشوفكم بكره

فى العربيه

انا: انت بتبصيلى كدا ليه

وسام: انا مبصتلكش

انا: ومالك مدايقه من ايه

وسام: شرف انت الى مدايق

انا: اسمى شريف

وسام: اه صحيح ايه حكايه شرى دى

انا: عادى جيجى بتحلم وبتعيش الحلم

وسام: متفرقش معايا اصلا

انا: امال بتسالى ليه

وسام: انت ليه اتدايقت اوى كدا لما جيمى طلب نمرتى

انا: اسمه جمال ويلا علشان وصلنا

وسام: انت برده مرديتش على سؤالى

انا:.................................

كفايه عليكوا لحد كدا النهردة المره الجايه نكمل

بصوا انا عملت الى عليا وحطيت فصلين فى فصل واحد علشان اعوض الفتره الى فاتت سلام

بس منهنا ورايح فى نظام جديد انا هحط اساله بعد كل فصل وهستنى منكم تجاوبوا

1-ايه رايكوا فى شرف

3-تتوقعوا ايه الى ممكن يحصل بعد كدا

4-تفتكروا جيجى وجيمى دول ناوين على ايه

مكملتيش له انا القصه شدتنى
ويا ترى دى قصه حقيقيه؟

لا من تاليفى
بالمناسبه
هى موجوده هناك لو عايز تخم وتعرف ايه الاحداث
بس انا حطيتها علشان ................
يلا هو اصلا مش وش نعمه

اه انا لسه واخد بالى انها هناك واكيد هخم يعنى
بس نفسى اعرف انتى شايله منه كده ليه؟
ومتشكرين على الموضوع الجامد

شايله من مين ؟
انا حطيتها لانه مش هيغرف يقراها هناك وكنا عايزه اعرف رايه

من حلمى مانتى بتقولى هو مش وش نعمه

طيب نكمل

وسام شرف الجزء الثالث

(ازيكوا يا شباب يا ترى عايزين تعرفوا ايه الى حصل بعد كدا ولا لا)

(فجاه لقيت ماما بتبص من البلكونه وبتقولى)

ماما: خد لسته الطلبات دى من السبت وروح هاتها من السوبرماركت يا شرف واستنى هروح اجيبلك الفلوس

انا: ملوش لزوم انا معايا

وسام: ممكن اجى معاك انا كمان عايزه شويه حجات

انا: ماما وسام هتيجى معايا

ماما: متتاخروش انا لسه فاضلى كتير على مالاكل يخلص

انا: حاضر

(وبصيت لوسام)

انا: اتفضلى

(وسام ركبت العربيه وقالت)

وسام: برده مجوبتش على سؤالى

انا: بقولك ايه يا وسام ممكن ابقى انقل ننك جدول المحاضرات

وسام: طبعا ممكن وبعدين محنا هنبقى نحضر المحاضرات سوا انا صحباتى كانوا بيجو يزاكروا معايا فى البيت بس تلواتى مؤداميش غيرك

انا: ممكن اطلب منك طلب

وسام: طبعا يا شرف

انا: كدا بقوا طلبين

وسام: شكلك داخل على طمع بس ماشى

انا: الاول انا فى الكليه اسمى شريف

وسام: حاضر والتانى

انا: متحوليش تانتمى مع حد من الشله خليها زماله وبس

وسام: طب ودا بقى ليه

انا: عادى يعنى انا بس مش عاوزهم ياثرو عليكى

وسام: بالمناسبه قررت انا هلبس ايه بكرا

انا: يالا بينا وصلنا

وسام: مش عارفه هى الاماكن دى بتنط دايما فى الاسئله ولا هو مجرد حظ

انا: لا انا الى بعؤرف اهرب بلباقه يلا

(دخلت انا ووسام السوبر ماركت وهى خدت اليسته وراحت تجيب الحاجه واناغ كنت ماشى وراها شايل الشنطه البلاستيك الى خدتها من مدخل السوبر ماركيت)

وسام: بتحب انهى اكتر يا شرف جيلى الفروله ولا كريم الكراميل

انا: الايس كريم

وسام: نعم

انا: انت بتسالينى حجات مش على الليسته

وسام: طيب ايسكريم الشيكولاته ولا افانيلا

انا: الفزدق

وسام: ماشى

انا: بتحبى المكرونه العاديه ولا الاقلام

وسام: الاسباكيتى

انا: ههههههههههههههه ماشى

(وسام دحكت ودى كانت اول مره ادحك معاها )

وسام: كدا جبنا كل حاجه

انا: ناقص حاجه واحده بس

وسام: ايه

انا: اتنين ايس كريم فزدق من هنا دا تحفه استنى هجيبلك معايا

وسام: انا جايبه علبه بدره هعملك فى البيت

انا: طب نجيب اتنين ونجيب فى البيت

وسام: اوعى تكون شبطان زى الاطفال

انا: يا شيخه دالاطفال احباب الله

(ورحت جبت الايسكريم )

وسام: حلو اوى احسن من الى بيتباع عندنا فى البلد

انا: كويس انه عجبك بالمناسبه يا وسام

انا ادايقت لانى مش عايز اى واحد من العيال دول ياخد عليكى

ومش عايزك تانتيمى معاهم علشان انتى شاطره وهم هيعطلوكى

وسام: عادى يعنى قلى ياشرف هو ينفع ان اصحابى فى البلد يجو عندنا الكليه مره

انا: هستاذنلك بابا بس مفتكرش انه هيرفض

وسام: بقولك الكليه مش البيت يعنى يجوا يعدوا معانا يوم فى الكليه اصلهم وحشونى اوى

انا: يعنى يوم كامل من غيير محاضرات وهتسبينى مع صحابى وهتلاقى حد غيرنا تعدى معاه ومش هتكونى قدامى طول اليوم يبقى اكيد موافق

وسام: والله

انا: ايه هو انتى الواحد ميعرفش يهزر معاكى بقولك ايه كلى الايسكريم احسن كلى

وسام: ماشى ليك يوم

(اول مروحنا وسام دخلت اوضيتها غيرت هدومها وعلقيتها كالعاده وجرى على المطبخ تساعد ماما

وانا بقى قلعت هدومى ورميتها على الكرسى الى جنب السرير برده كالعاده وطلعت اتفرج على التليفزيون فى الصاله*)

(دخلت وسام اوضتها وطلعت شنطه هدومها الفاضيه وبدات تحط فيها كل هدوم الخروج الى عندها

وكانت سايبه باب الاوضه مفتوح )

(امت واقف على باب الاوضه )

انا: انت بتعملبى ايه يا وسام هو حد زعلك فى حاجه

وسام: ههههههههههههههه لا طجبعا تعالى ساعدنى اشيل الشنطه دى

انا: حاضر

(شلت الشنطه وطلعت بيها للصاله)

انا: هتوديها فين

وسام: اوضتك

انا: نعم فين؟

وسام: امشى بس

(انا حطيت الشنطه على السرير)

وسام: وهو انت متعرفش ترتب هدومك ابدا وبدات تلم الهدوم من على الكرسى وتعلقها على الشماعه

انا: وسام اسلوب الاحتلال ده ميمشيش معايا انت عايزه ايه

وسام: ثانيه واحده

(وسام دخلت اوضتها تانى وجابت كل الطرح والدبابيس الى عندها وشنطه الاكسيسوريز والميك اب كمان

ينهار مش ناوى يعدى دا شكله احتلال بجد)

وسام : هاه ايه رايك

انا: انا بحب اوضتى جدا ومش ناوى افرط فيها...............

الاستقلال التامم او الموت الزؤام

وسام:هههههههههههههه احتلال ايه بس اختارلى البس ايه بكره نبدا من التوب

تفتكر البس زى جيجى البدى الاحمر ده ولا التوب الاسود ده ولا اقولك الدنيا حر ايه رايك فى البلوزه نص كم دى تحفه مش كدا

انا:وسام.............

واسام: البوتوم ايه رايك البنطلون الجينز ده ولا شكله واسع اوى ايه رايك فى الجيب دى بيتهيالى البدى طويل عليها اوى اختار بدى تانى يكون على الكمر

انا: وسام........................

وسام: استنى بس لسه فى احتمالات كتير اوى

نيجى على الاكسيسوريز ولا اقولك خليها بعد الترحه قولى اربطها عادى ولا اسبانيش الى هم بيبينوا رقبتهم دول ولا اقولك انا شعرى ناعم انا هفك الترحه خالص

انا: كفايه.......................

وسام: ننتقل الى اهم مرحله فى الروشنه: الميك اب والاكسيسوريز

انا: حرررررررررررررررررررام..............................

وسام: ايه رايك البس الخاتم ده ولا العقد ده ولا الحلق ده تفتكر احط برونز على عينى ولا ايلينر اسود بيتهيالى احمر هيليق مع الطقم طب البودر

(انا وقعت على الكرسى)

انا: وساااااااااااااام كفايه ممكن تسمعينى

وسام: طبعا انا خلصت انا هسيب الحاجه عندك تنقى الى انتى عاوزه الرهان رهان

انا: وسام اولا بيتهيالى الطرحه دى بالطريقه الى انتى بتعمليها احلى

ثانيا ملوش لازمه الميكب خالص كدا احلى

ثالثا لبسك الطبيعى اشيك

وسام: يعنى؟؟؟؟؟؟؟؟؟؟؟؟؟؟؟؟؟؟

انا: وسام: انا عملت مقارنه بينى وبين نفسى انا مش هقدر اشوفك بتلبسى الحجات دى ولا بتعملى فى نفسك زيهم انت مش زيهم يا وسام

وسام: مش هى دى الروشنه يا شريف

انا: ايوه بس سعات البساطه بتكون احلى

وسام: انت كدا بتنسحب

انا: ومستعد لاى خساير

وسام: تصلح الصوره الى انت رسمتها عند اصابك عنى

انا: ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وسام: انت فاكرنى شريره اوى يا شرف انا مش كدا انا مش جايه احاربك او اغيظك او اى حاجه من دى انا جايه ادرس وبس

انا: طبعا يا وسام ليه الكلام ده بس

وسام: لانك جرحتنى

انا: انا اسف انا بس كنت مخنوق انى سقط وكمان بابا جايبلى واحده من الاوائل بزمتك مش حاجه مستفزه

وسام: انا عمرى مطلعت الاولى انا بس بجيب جيد جدا او امتيازز مش من الاوائل

انا: متنرفزينيش يا وسام

وسام:ههههههههههههههه بهزر يا شرف على العموم انت باين عليك من اليومين الى فاتوا دول انك غيرت اسلوب التعامل للاحسن علشان كدا انا هسمحك بس يا ريت تعمل الى طلبته منك

انا: حاضر تمام يا فندم فى اى اوامر تانيه

(فى دخله بابا)

بابا:ايه الى حصل يا ولاد فى ايه هو انتوا خلاص هتبدلوا الاوض والله حسن دا حتى الاوضه دى بحرى

انا: ايه.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وسام: لا يا عموا دانا بس كنت باخد راى شرف فى حاجه كدا اصلى كنت عايزه اشترى هدوم جديده ومكنتش عارفه ايه الى ناقصنى فشرف كان بيساعدنى ارتب هدومى و.....................................

بابا: كفايه يا وسام: انا عارف انه مرضاش يبدل الاوض وانتى بتغطى عليه

انا: دى اوضتى يا بابا و..............................

وسام: خلاص يا عموا

انا : انت اكبر كدابه شفتها فى حياتى

وسام: انا مكدبتش انا فعلا عايزه هدوم جديده

انا: انت عندك هدوم تملا دولابين

وسام: ودا ميمنعش انى املى التالت

انا: طول عمرى مظلوم

وسام : انا هروح اساعد عمتوا فى توضيب السفره

انا: الاول تعالى لمى الفوضه دى ولا ناويه تسبيلى الاوضه كدا

وسام: اه معلش نسيت

(انا ووسام لمينا الحاجه بسرعه ورجعناها اوضيتها وويسام فضت الشنطه وراحت جرى تساعد ماما)

- كفايه عليك كدا يا شرف هات حبه

- اجيب ايه

- احكى حبه

- هو لب لما اخلص

- يوه هو انت لسه مخلصتش طب اختصر

- هخليكى تحكى الفصل الى جاى

- لا اختصر

- حاضر

(وعلى الغدى

النهرده اول يوم اقعد ادام وسام مش جنبها)

ماما: ايه رايك فى الاكل يا شرف

انا: حلو بس هو فين الحلو

(وسام امت جرى جابت كيكه عليها كريمه وشيكولاته وحجات كتييييييير متزوقه بصراحه كان شكلها تحفه عرفت من منظرها ان وسام هى الى عملاها)

ماما: ايه رايك فى التورته دى يا يا شرف دوق كدا

انا: ماما انتى الى عملاها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وسام: ايه رايك الاول؟

انا: اصلها مسكره اوى وحلوه اوى .............................

وسام: بجد انا الى عملاها

انا: انت مخلتنيش اكمل

وسام: طب كمل

انا: حلوه اوى ومسكره اوى لدرجه تجزع

(وسام دت من ايدى الطبق)

وسام: طيب وانت متهونش علينا برده انك تجزع هات الحته دى

(انا خدته منها تانى)

انا: ايه يا وسام هاتى دا بدل متعاقبينى انى اكلها كلها برده يا شيخه دانت كدا بتسيبى حقك

(وسام شدت منى الطبق تانى)

وسام: لا متهونش عليا

(انا خدت الطبق تانى)

انا: مخلاص بقى مقولت حلوه اوى هاتى بقى دانت فظيعه

(بابا وماما قعدوا يضحكوا شويه ورحت رايح واخد حته تانيه ووساكم هتموت من الدحك مش عارف هى بتدحك على ايه)

- تادرى تكملى يا وسام

- اخيراهههههههههههههههههههههه

- بتدحكى على ايه

- ولا حاجه

- احكى وخلصينا

(ازيكوا يا احلى شباب

اولا احب ابدا من اول النهار من ساعه مشرف سابنى وراح مع صابه يجيب الحاجه)

جيجى: ملوش حق ابدا شرف

انا: ملوش حق فى ايه

لولو: تعرفى يا وسام انت مش شبهه خالص

انا: اه منا عارفه

جيمى: انت احلى طبعا

انا: دا بس من زوقك

(دا ايه تلاقيح الجتت دى فينك يا شرف)

جيجى: تصورى دا كان وصفك لينا حاجه تانيه خالص

لولو: المهم اننا عرفناكى بجد

جيجى: ال زومبى قال

وسام: زومبى؟؟؟؟؟؟؟؟؟؟؟؟؟

(اه يا شرف اه بس اما اشوفك)

جيمى: جيجى بطلى الحقد الى جواكى ده

(اه بطلى وبلاش موضوع شرى قدامى تانى ويستحسن لو تغورى من وشى السعادى)

جيجى : بقى كدا طب تعالوا نغيير الموضوع

لولو: احسن برده

جيجى: تعالوا ننقى لوسام اسم تانى

(وبعدكدا شرف جه وانتوا عارفين الباقى)

-طب هتحكى حاجه تانى

-لا مانت حكيت كل حاجه

-طب ناويه تحكى اى حاجه عن الى هيحصل تانى يوم

- لا هحكى انا الى هيحصل فى الفصل الجى يكرا

- لا انا الى هحكى

- دا بكرى دا يوم خرافى انا الى لازم احكيه

- ربنا عالظالم

تتوقعوا ان الهدوء الى بين وسام وشرف دا هيدوم ولا هيكون الهدوء الذى يسبق العاصفه

الفصل الرابع

-ازيكوا يا شباب يلا احكيلكوا الى حصل بعد كدا قبل ما شرف يصحى ويجى يقطع عليا

(بعد ما شرف اكل التورته كلها زى ما شفنا قعدنا نتفرج شويا على التليفزيون وبعد كدا موبايلى رن)

انا: الو مين معايا

المتصل: معلش يا وسام بتصل بيكى من نمره غريبه اصلى عارف انك من مش هتردى على موبايلى

انا: ماشى على العموم لينا كلام تانى فى الموضوع ده عايز حاجه

(انا رحت وقفت فى البلكونه وفى ثانيه لقيت شرف جه وقف جنبى بس كان مشغول بيتفرج على الى رايح والى جاى فى الشارع)

المتصل: انا بس استغربت لما مشفتكيش فى الكليه وقلقت اصل مش من عادتك انك تغيبى

انا: اصل انا حولت جامعه تانيه

المتصل : ليه كدا

انا: عادى

المتصل: وسام انتى ليه مش عايزه تردى على نمرتى

انا : لانك جبتها من غير اذنى

(وفجاه لقيت شرف ساب الشارع وبصلى وفضل مبحلقلى)

شرف: بتكلمى مين؟

المتصل: دا لانك رفضتى تديهانى

انا: ودا يديك الحق انك تاخدها من غير اذنى ال يعنى كدا بتحطنى قدام الامر الواقع على العموم انا عمتوا بتنادينى ومطره اقفل سلام

المتصل: وسام استنى........................

(ورحت افله السكه)

شرف: مردتيش يعنى

انا: متخدش فى بالك

شرف : براحتك بس انا لو تحبى ارد عليه المره الجايه واخليه ميتصلش تانى

انا: هو مش هيتصل تانى

(لاقيت الموبايل بتاعى بيرن بنمره غريبه تانيه غير الاولانيه)

شرف: عشره جنيه انه هو اصل انا عارف الاصناف الرخمه دى

(انا كنسلت وافلت الموبايل وقلتله )

انا: كدا مش هيتصل تانى

شرف: عادى يعنى بطمن على بنت خالى

انا: متخفش يا شرف سيباك للكبيره

شرف: وممكن اكون موجود فى الصغيره برده

(عمتوا دخلت علينا)

عمتوا: انتوا ايه الى موقفكوا هنا مش هتيجوا تتفرجوا على المطش

شرف: لا احنا عايزين نتكلم شويا

انا: انا جايه

(جيت اروح شرف مسك ايدى وقالى عايزك)

عمتوا قالت: شكل الموضوع خطير على العموم الفشار هيخلص ومش هنبقيلكم حاجه

شرف: وسام هتعملى تانى

انا: والله

عمتوا: براحتكم

(وامت سيبانا ودخلت جوا)

شرف: انا اسف انى شديتك

انا: موضوع ايه الى عايزنى فيه

شرف: مين الى كان على التليفون؟

انا: نمره غريبه

شرف: والله

انا: والله

شرف: براحتك يا وسام بس زى مقولتلك انا موجود برده للصغيره لو احتجتينى

انا: متخفش صدقنى اول واحد هجيله لو محتاجه حاجه

شرف: هتعشينى ايه بقى النهرده

انا: انت لسه مدغدى وبتفكر فى العشا

شرف : عادى بطمن ممكن تعملى علبه ايسكريم الفزدق الى جبتيها

انا: الى يشوفك ميقولش عليك انك بتاكل كدا

شرف: لا مهو اصل انا بحافظ على نفسى بالرياضه

انا: انت ناوى تحضر محاضرات بكرا

شرف: هفكر ليه؟

انا: اصل عمتوا قالت انك مبتحضرش محاضرات

شرف : عادى

انا: ليه

شرف: هتعملى الايسكريم ولا لا

انا: كله فى يوم واحد؟

شرف: لا قولى انك خايفه بتاع المحل يطلع احسن من بتاعك

(موبايل شرف رن)

شرف: مش وقتك خالص

(وراح قافل الموبايل)

انا: مين؟

شرف: جيجى

انا: لذيذه جيجى مش كدا؟

شرف: هههههههههههههه دى لا تطاق لزقه

انا: زى كدا

(شرف بصلى باهتمام)

شرف: ليه بتشبهى نفسك بيها

انا: اصلى لزقالك وكبته حريتك

شرف : لزقه عن لزقه تفرق

انا: ازاى يعنى

شرف: هى لزقه امريكانى وانت لزقه طبيه

انا: بجد

شرف: ممكن اخد نمره موبايلك

انا : طبعا

(واديتله نمره موبايلى وهو ادانى بتاعتاه)

(ولما فتحت الموبايل علشان اسجل النمره واحده صحبتى اتلصت بيا.......................

- وسام يا لقيمه انتى بتعملى ايه

- انت صحيت امته

- تلواتى سعدتك

- خلاص احكى انت

- ماشى

شوفتوا عملت ايه اكمل انا بقى

(المهم واحده صحبتها اتصلت بيها فهمت من كلامهم مع بعض ان اسمها ياسمين وتخيلوا الى انا سمعته)

وسام: الو ازيك يا ياسمين عامله ايه يا بت وحشتينى

انا: مين يا سمين دى

وسام على الموبايل: والله غصب عنى انتى عامله ايه؟........................

........................ لا طبعا اهلا بيكم انا كنت ناويه اعزمكم بس انتوا سبقتونى......................

................. والله وائل فيه الخيروالله

نا: مين وائل؟

وسام على الموبايل: لما توصلوا رنولى............................

.................. لا دا اتغيير خالص بقى حاجه تانيه

(وكنت ببصلها لاقيتها بتبصلى)

انا: انتى بتتكلمى عنى صح؟

(وفجاه لقيت وسام اتغيرت ملامحها وبدات تركز فى المكالمه وبدات تتكلم جد اوى بس بصوت واطى معرفش ليه لدرجه انى تقريبا كنت بعانى انى اسمع هى بتقول ايه وبدات احس ان فى حاجه على مين يا ماما والله لعرف

فركزت معاها زياده وسمعت شويه من الى هى بتقوله بس للاسف مسمعتش صحبتها)

وسام على الموبايل: ليه هو لسه متمسك بالفكره دى قوليله ينسانى بقا احسن

انا: هو مين

وسام قالتلى بعصبيه:لو سمكت ممكن تصبر ويفضل لو تبعد شويه عايزه اتكلم......................

(وبعد كدا طنشتنى ورجعت تتكلم مع صحبتها على الموبايل تانى)

وسام: اه المهم قولى لخوكى ان الموضوع معدش ينفع وانه اكيد هيلاقى الاحسن منى

انا: والله لا لحد كدا ولازم افهم

(وسام ولا كانى بتكلم كملت مع صحبتها ابقى خليها تنفعك)

وسام: ابقى خليه يجى معاكى يوم الخميس

انا: طب كويس انه جاى

(وسام برضه مش معبره وبتكلم صحبتها)

وسام: لما هيجى اصلحه متخفيش لو جه هعرف اقنعه ان كل شئ قسمه ونصيب

انا: ماشى هفضل هادى هفضل هادى

(وسام ولا كانى موجود قالت لصحبتها)

وسام: ممكن تخليه يكلمنى

(وفجاه لقيت صتها وطى وبقت واحده تانيه خالص غير انها خدت الموبايل وراحت فى الركن البعيد الهادى كانها مش عايزانى اسمع بس انا الدم غلى فى عروقى وكان لازم اسمع)

وسام: لا متزعلش منى

انا: لحد كدا وخلاص

وسام: متخفش هتلاقى الاحسن منى ويا سيدى مقولتلككل شئ اسمه ونصيب ومسيرك تلاقى واحده احسن منى تحبها وتحبك والعمر قداك طويل وياما هتشوف احسن منى....................

................. والله

انا: متخديش بالك من الطيشه الى جنبك استمرى

(ايه انتى صدقتى ولا ايه بصيلى هنا ولا كانى بتكلم)

وسام مع صحبتها برده: ايوه يا حبيبتى هو عامل ايه دلواتى

انا: ممكن تعتبرينى طبق لحمه واتحرق

(شاط خلاص اتفحم مش عارف بغلى بنفجر مش لاقى كلمه تعبر عن الى انا فيه)

(وفجاه الست وسام اتكرمت واتلفتتلى وردت عليا)

وسام: كفايه يا شرف

(ورجعت تكلم صحبتها ماشى يا ست ياسمين انتى وهو طب لما اشوفكم وهو انا هعرف اصبر لما اشوفكم)

وسام: لا والله دا حتى دمه خفيف مع انى سبته

(لا وكمان دمه خفيف لا مهو هيسيح يوم الخميس متخفيش)

انا: انا جبت اخرى

وسام : على العموم سلام وابقوا رنولى لما توصلوا

انا: اخيرا

وسام ليا بقى: فى ايه مالك

انا: اولا مين وائل؟

وسام: هيجى يوم الخميس هعرفك عليه

انا: بقى كدا طب مين الى الفرفور الى كلمتيه ده وبيشتغل ايه حضرته

وسام: لا هو خالى شغل زى باقيت جيله

انا: خلاص النهرده الحد وبكره الاتنين وقريب هيجى الخميس ماشى هصبر

(هو انا بدحك على مين ولا هعرف اصبر حتى لحد عشر دقايق جيين)

وسام: شاطر

انا: لا مش قادر

وسام : متباش كدا وخليك صبور وبعدين منا قلتله كل شئ قسمه ونصيب

انا بنرفزه : والله ليه شايفانى ارجوز قدامك على العموم انت حظك حلو انا نازل شغلى دلوات وبكره لينا كلام تانى

وسام: شغلك ؟؟؟؟؟؟

انا: اه امال فكرانى عوطلى زي الحج الى كلمك

وسام: تعرف انت هتدحك على نفسك اوى لما يجى يوم الخميس

انا: سلام

وسام: طب بتشتغل ايه؟

- بعد اذنك بقى ممكن اكمل

- اه اتفضلى استلمى من هنا بس انا الى هحكى الفصل الى جاى

- نبقى نتفق بعدين

- ماشى

(شرف بمنتهى العصبيه خرج من البلكونه وانا وراه ورزع باب اوضته وفى ثانيه كان لابس ونازل

وبرده رزع باب الشقه وراه طلعت جرى على البلكونه لاقيته ركب العربيه وبرده رزع الباب وزى الصاروخ طلع جرى)

(دخلت اتفرجت على التليفزيون واعدت استنيته الساعه عشره ونص وهو لسه مجاش)

عمتوا: خشى نامى انتى يا وسام هو لسه بدرى على ميجى

انا: هو مين؟

عمتوا: الى انتى عملاله ايسكريم الفزدق ومزوقاله الطبق على الاخر واتخانقتى معاه وخلتيه نازل متنرفز اوى كدا

انا: لا انا مزوقه الطبق علشان هو طلبه وانا بس مكنتش عايزاه ينام زعلان اصلى زوتها شويه

عمتوا: طب خشى نامى والصباح رباح

(ودخلت نمت )

(والصبح لاقيت شرف بيخبط على باب الاوضه )

شرف: يلا ولا ناويه تفوتى اول محاضره

انا: لا انا لبست انت ايه الى صحاك بدرى كدا

شرف: انا منمتش اصلا

انا: كلت الايسكريم

شرف: لا يلا علشان منتاخرش

انا: شرف انت لسه متنرفز

شرف: انا هسباك

(ونزل وسابنى فى ثانيه كنت جانبه فى العربيه)

انا: شرف

شرف شغل الكاسيت وقالى: اسمعى الاغنيه دى احسن

انا: انا اسفه

(شرف فضل ساكت ايه انا عارفه انى زوتها وزمانه فاهم غلط بس يوم الخميس جاى وهيفهم كل حاجه)

(وصلنا الكليه ونزلت من العربيه وشرف خد حاجته ورزع باب العربيه برده)

(دخلنا الكليه ودخلنا المدرج )

شرف: روحى اقعدى فوسط البنات يلا

انا: وانت هتحضر

شرف: طبعا ولا تحبى استنى ليوم الخميس

انا: بالراحه يا شرف

0شرف سابنى وراح سلم على ميدو وجيمى الى شاورلى وعملى بايباى وراحوا قعدوا ورا فى اخر مدرج الشباب

ولقيت شرف بيزغده فى وشه كانه بيقولوا بصلى هنا وقعدت وحضرت المحضرتين الى ورا بعض ولما خلصوا

خرجت استنيت شرف يطلع من المدرج بس كان اخر واحد طالع )

شرف: يلا نفطر وبعد كدا نعد شويا ونروح

انا: شرف انا اسفه

شرف: تحبى نروح احسن

انا: شرف انت بتعاملنى كدا ليه

(ومقدرتش امسك دموعى)

شرف: بس بس انا اسف خلاص بقى طب خدى المنديل ده

جيمى: شريف يا غبى عملت ايه ولاقيت ميدو كمان اتلم

شرف: لو سمحتم

(ورحت انا وهو الكافتيريا وفطرنا )

شرف: لسه زعلانه

انا: انت لسه زعلان

شرف: والله لوكنت اعرف ان اسلوبى هيخليكى تعيطى والله مكنت عملت حاجه خالص

انا: طيب فهمت المحاضره

شرف: ولا ربع كلمه

جيجى: ايه سمعت انك كنتى بتعيطى فيه ايه يا جميل

شرف قام وقال: احنا مروحين حد عايز حاجه

جيجى: بالسرعه دى

شرف: معلش اصل وسام بطنها بتوجعها سلام

(ركبنا العربيه وروحنا)

كل ده اتقرى غيرووووووووووووووه

الجزء الخامس

- ازيكوا يا احلى شباب طبعا كلكم متشوقين تعرفوا بقيت القصه

- لخص

- ايهه سبينى اكمل وكمان شوفتوا المصيبه الى هى عملتها برده الفصل الى فات المهم نكمل بقى

(احنا كنا قاعدين فى العربيه)

انا: انتى لسه زعلانه

وسام: لا انت زعلان؟

انا: لا هصبر ليوم الخميس مدان ده هيريحك

وسام: فهمت المحاضرتين

انا: لا

وسام:طب كتبتهم

انا: لا

وسام: ممكن تبقى تزاكرهم معايا

انا: ماشى بعد الغدى قبل مانزل الشغل

وسام: لعلمك انت لسه مقفل منى

انا: يمكن بعد ماكل طبق ايسكريم الفزدق الى انتى سيباهولى فى التلاجه اروق

وسام: طب لو مرقتش؟

انا: هحتاج طبق تانى طبعا ولا انتى عايزانى افضل زعلان

(مهو الواحد لازم يستغل الظروف الى زى دى كويس وبعدين انا مش ناقص تعد تعيطلى)

وسام: ممكن تيجى معايا بكره اجيب طقم جديد

انا: طب متخدى ماما

وسام: لا بعد الكليه مش هنتاخر

انا: انت عايزه تجيبى هدوم جديده ليه

وسام : علشان البسها يوم الخميس

انا: هو الواد اخو صحبتك اسمه ايه

وسام: امجد

انا: طيب

وسام: ممكن توقف عند اول مكتبه فى الطريق عايزه اشترى شويه كشاكيل وورق واقلام ملونه

انا: مفيش مكتبه فى الطريق بس نوجدلك مكتبه

وسام: شكرا

(وصلنا المكتبه ودخلت انا ووسام جبنا الحجات وطبعا من اقل دواعى الزوق انى ادفع اول ماخدت الحاجه دفعت انا ومديتش فرصه لوسام)

- بس انا فتحت الشنطه وكنت عايزه ادفع

- وسام متقاطعنيش تانى لو سمحتى

- حاضر كمل

(المهم ركبنا العربيه وروحنا)

(وسام دخلت جرى على المطبخ كالعاده بس المرادى جابتلى طبق الايسكريم جت تخبط على باب الاوضه كنت انا ساعتها غيرت هدومى فتحت الباب ولاقيتها واقفه مسكه الطبق

خدته منها واكلته)

ماما: حرام عليكى يا وسام كدا هتسدى نفسه

انا: متخافيش يا ماما ولا عشره مندا يسد نفسى

وسام : انا هدخل اغير هدومى

ماما : وانا هكمل الاكل

(وسام غيرت هدومها ودخلت على المطبخ مع ماما)

(انا اخدت الطبق بعد مخلصته ودخلت المطبخ بس المشكله ان وسام كانت قالعه الترحه)

انا: انا اسف

(وقمت راجع بسرعه يخربيت جمال شعرك يا وسام)

(وسام لبست الطرحه وطلعتلى)

وسام: ادخل خلاص لبست الترحه

انا: اسف علشان مخبطش

وسام : لا عادى حصل خير المهم

انا: خلصت شكرا

وسام: عايز تانى

انا: لا شكرا

(انا ايه الى جرا للسانى مش عارف اتكلم ليه فوق يا شرف )

(دخلت الاوضه وفتحت الكومبيوتر وقعدت على النت)

(شويه ووسام خبطت)

انا: ادخل ........... وسام

وسام: انت بتعمل ايه؟

انا: ولا حاجه بسلى نفسى

وسام: اصل عمتوا مش محتاجانى فى المطبخ فؤلت نيجى نبيض المحاضرات سوا علشان يبقى اسهل علينا نزاكرها بعد الغدا بدل منضيع وقت

انا: ايه يا وسام هو اللعب معرفش لحياتك طريق

وسام : عرف بس انا بعرف اقسم وقتى كويس

انا: خلاص تعالى

وسام: هنا

انا: ماما هتحتاج السفره

وسام:طيب ثوانى

(راحت وسام جابت كشكول محاضراتها وجابت الكشاكيل الجديده والاقلام)

وسام: اختارلك واحد

انا: ليه

وسام: علشان تبيض فيه المحاضرات

انا: هاخد ده

وسام: وده علشان تكتب فيه المحاضرات فى الكليه وممكن تاخد القلم كمان

انا: ليه حد قلك انى معنديش الحجات دى

وسام : لا بس...............

انا: على العموم شكرا على فكره زوقك رقيق

وسام: شكرا

(انا ووسام قعدنا نبيض المحضرتين ومحدش فينا فتح بقه بكلمه بصراحه مكنتش عايز اعطلها وسام شكلها شطره وذكيه وبتحب تزاكر وانا عمرى مفيوم هحاول اعطلها ابدا)

(وبعد كدا بابا جه دحل علينا الاوضه)

بابا: بسم الله ماشاء الله ايه ده ايه هم خلوا الامتحانات فى اول اسبوع فى الدراسه ولا ايه

وسام: لا يا عموا ليه؟

بابا: اصل الفاشل الى جنبك دا مبيزاكرش غير ليله الامتحان حسبى يا وسام ليعطلك

وسام: بالعكس يا عموا دا هو الى بيشجعنى

انا: لعلمك يا بابا حضرتك تلواتى الى بتعطلنى

بابا: طيب انا ماشى يا سى شرف

وسلم: ليه كدا يا شرف

انا: عادى كنت بهزر معاه كملى يلا

(شويه)

وسام: خلصت

انا: اخر سطر .............خلاص خلصت

وسام: لعلمك يا شرف انت لازم تكتب المحاضرات بعد كدا

انا: حاضر

ماما: ايه يا سى شرف المزاكره مقطعه بعضها معاك ونستك الغدا

(وسام لمت الحاجه بسرعه وسابتها على مكتبى انا مش عارف ليه مخدتهاش معاها

المهم اتغدينا وبرده قعدت قدام وسام مش جنبها)

انا: ياه الحمد لله شبعت

وسام : تستاهل الحمد

انا: مفيش بقى طبق ايسكريم نحبس بيه

وسام: هههههههههههههه فيه بس لعلمك انت كدا هتتطخن

انا: لا متخافيش مهو انا هحرقه فى المزاكره

بابا: انت ناوى تزاكر بعد الاكل كمان يا شرف

انا: طبعا

بابا: بركاتك يا وسام والله لو اعرف انك هتعملى فيه كدا كنت جبتك من زمان

(اه يا بابا والله يا ريتك كنت جبتها من زمان)

وسام: اتفضل دا طبق مخصوص علشانك ودا طبق عموا ودا عمتوا والصغير دا علشانى

انا : ليه يا وسام

وسام: مش عايزه اتخن

انا: متخفيش حتى لو طخنتى مش هتفرق

وسام: طب خلص اكل بسرعه علشان نزاكرقبل متنزل شغلك

انا: عادى لو مش عايز اروح الشغل ممكن مروحش خالص

وسام: انت صحيح بتشتغل ايه

انا: بلا فخر داخل شريك مع واحد صحبى فى سيبر

وسام: حلو

انا: انا استلفت مبلغ من بابا فى الاول ابدا بيه المشروع

بابا: ثلث تشهر ورجعهملى

انا: الحمد لله جبت منه عربيتى بالاسط

وسام: ياه هو المشروع بيكسب اوى كدا

انا: اصل المنطقه مليانه اطفال وشباب ومفيش فيها سيبر غيره غير وصلات النت الى بتجبلى من كل شقه حوالى اربعين جنيه فى الشهر غيرقطع الغيار و الصيانه والتصليح يعنى اه بيكسب حلو

وسام: طيب ربنا يوفقك

انا : خلصت الحمد لله ممكن بقى نزاكر ولا ادخل انام احسن

وسام : انت ليه مبتشتغلش فى الاجازه احسن

انا: بشتغل فى الاتنين احسن

وسام: بقولك ايه انا الاكل كتم على نفسى مكنش له لزوم طبق الايسكريم ده انا داخله انام وناجل المزاكره لبكره

انا: اشهد يا بابا التقصير مش منى

بابا: خلاص يا فالح زاكر لوحدك ولما وسام تصحى ابقى زاكر معاها تانى

انا: جرا ايه يا بابا وتهون عليك وسام برده لا طبعا ميصحش لازم يكون فى عدل انا خدت المنهج ده مرتين قبل كدا

ماما: وياريته بيجيب نتيجه

انا: انا داخل انام

وسام: انا كمان

(ودخلنا ننام وبعد كدا المنبه ضرب ونزلت الشغل ورجعت الساعه اتناشر لاقين نور اوضه وسام مطفى امت داخل نايم )

- ممكن احكى انا بقى

- عندك حاجه مهمه تقوليها فى الجزء الى فات

- لا

- خلاص يبقى انا الى اكمل

- يوهه دا ايه اصله ده

- افتره ده اسمه افتره

- ربنا عالظالم

- ماشى اسكتى بقى بداو يزهقوا

(المهم تانى يوم والى بعده كانوا ايام زى الى فات بالظبط مع اختلاف اننا كنا بنزاكر وانا كنت بكتب المحاضرات ووسام نسيت موضوع الطقم الجديد بكره الخميس اخيرا جه انا مستنى اليوم ده بفارغ الصبر)

- انا الى هحكى يوم الخميس

- لانا ولا انتى المره الجايه

- ماشى

اسئله الفصل

تتوقعوا ايه الى ممكن يحصل يوم الخميس

الفصل السادس

- النهرده الخميس وكلكم متشوقين تعرفوا الاحداث

- اختصرى دول الود ودهم يدبحوكى

- الله فى ايه يا شرف متقاطعنيش

- طب خفى

(من الفجر لاقيت شرف صاحى ولا بس وعلى سنجه عشره و بيصحينى

وانا طبعا كنت بلبس على اقل من مهلى اصلى هستعجل ليه)

شرف: ايه مش عايزه تشوفى حبايب القلب

انا: لا طبعا عايزة اشوفهم وبالزات ياسمين وخوها اصلهم وحشونى اوى

شرف: طب خفى احنا برده مش عايزينهم يستنونا

انا: طيب مش لازم اجهز ولا يعنى اروح مبهدله مش كفايه ملبستش طقم جديد

شرف: ممكن كمان تتزوقى وتحطى ابيض واحمر وتهببى خلقتك انا فى العربيه

(وقام رازع باب الشقه هو متنرفز كدا ليه)

(الحمد لله محدش صحى نزلت جرى ركبت العربيه وفى لحظه كنا جوه الكليه)

(وهناك قابلنا شله الندامه صحابه)

جيجى: انا زعلانه منك يا شرى

شرف: اتفلقى

ميدو: ايه ده بالراحه على نفسك شويه فى ايه مالك

شرف: ايه مالى منا زى الفل اهه

ميدو: ايه يا وسام هو زعلان من ايه

انا: معرفش

جيمى: بالمناسبه يا وسام الطقم ده شيك اوى عليكى

شرف اتنرفز اكتر من الاول: بص يا جمال بعد كدا اسمها الانسه وسام مترفعش التكليف اتفقنا

جيجى: لا لا لا دانت متنرفز اوى غالنهرده

انا: معلش يا جماعه سيبوه شويه وهو هيهدى

(وشويه وموبايلى رن)

انا: الو ايه ازيك يا ياسمين وصلتوا

شرف: اخيرا جابت الننوس معاها ولا نسيته فى البيت

انا غطيت على التليفون: شرف عيب كدا

شرف: يوووووووووه

انا: ايوه يا ياسمين احنا عند البوابه

ياسمين : خلاص انا شفتك

انا: فين مش شايفاكم................. خلاص شفت امجد

شرف: فين فين

_ اكمل انا

-لا

-ارجووووووووووووووكى

-قلت لا

-الحته دى بس

- ماشى

(فجاه لقيت امجد جى يجرى وراحت وسام وخداه فى حضنها ونزلت فيه بوس

وانا فى حاله ذهول تام الى ببسرعه اتحول لدهشه اتحولت لضحك هستيرى

لان

امجد ده ولد عنده خمس سنين)

- انا اكمل بقى

-تفضلى

انا: امجد تعالى هعرفك على حد

امجد: فين البوسه الاول

انا: الله يا امجد مانت ختها

امجد: عايز واحده كمان

شرف: هو ده امجد

انا: اه امال سعاتك بذكائك كنت فاكر ايه

شرف: وسام انا اسف

امجد: مين ده يا وسام

شرف نزل لامجد : انا اسف يا شرف

انا: دا شريف ابن خالى يا امجد

امجد: هو ده الى انتى سبتينى عشانه

شرف: ههههههههههههههههه لا

امجد: امال مين

وسام: مفيش

امجد: امال ايه

ياسمين: كفايه قله ادب يا امجد انا الغلطانه انى جبتك معايا

(طبعا سلمت بحراره على ياسمين ونسرين صحابى ولفاقيت واقل قمت مشاوراله وقلتله ازيك بس المفاجئه ان ابراهيم كان معاهم متقلاقوش هعرفكم عليهم كلهم)

شرف: اهلا بيكم ايه يا وسام مش هتعرفينا

انا: شرف دا وائل زميلى فى السكشن وتانى الدفعه السنه الى فاتت

وائل: تشرفنا

(وسلم على شرف)

ودول بقى انتيماتى فى الكليه ياسمين ونسرين

ياسمين: اهلا

نسرين: تشرفنا

(شرف هز راسه )

نسرين فى ودنى: مش عيب

انا: ايه

نسرين: مش احنا صحاب برده

انا: ايه فى ايه

نسرين: مش عيب تحتفظى بواحد زى دا لنفسك مش المفروض تشاركى فيه صحابك

انا: اتلمى

نسرين: اسكت يا لسانى اسكت

انا: ودا بقى ابراهيم الى كلمنى على الموبايل

شرف: والله اهلا اهلا والله يا راجل انا كنت مستنيك من بدرى

ابراهيم: والله على العموم تشرفنا

انا: يا جماعه ده شرف ابن عمتى

(كل ده واصحاب شرف واقفين بعيد مش فى الصوره خالص)

(شرف بينه وبينى: وسام انا اسف بس ممكن تسبيلى ابراهيم لو عايزه)

وسام: محدش قالى اصلا انه جاى

شرف عادى هتضمى الجروبين ولا لا

وسام: هعد شويه معاهم لوحدى وبعد كدا نضمهم

شرف: احنا فى الكافتيريا على العموم

وسام: ماشى

(شرف خد صحابه وراحو الكافتيريا)

(انا خدت صحابى وقعدت قدام المبنى)

ابراهيم: ازيك يا وسام عامله ايه

انا: الحمد لله............... ياسمين ممكن ثانيه

(مت انا وياسمين )

انا: انتوا ايه الى خلاكوا تجيبوا الرخم ده معاكوا

ياسمين: سمعنا امبارح واحنا بنتفق لاقيناه واقف فى المحطه وقاطع التزكره معرفناش نقوله حاجه

انا: شرف مش طايقه

ياسمين: وهو شرف فين تلواتى

انا: صحاب شرف فى كل حته حوالينا

ياسمين: انت بتتكلمى كانه رئيس مافيا يا بنتى نفضى وروشنى بقى وخلينا نستمتع باليوم ووائل هيظبطه

انا: ربنا يستر

(المهم اول مرجعنا)0

انا: ايه فطرتوا ولا اجيب فطار

وائل : دا واجب علينا

ابراهيم: انا فطرت شكرا

انا: يبقى اجيب فطار........عايزين حاجه معينه ولا اجيب على زوقى

نسرين: طب منروح الكافتيريا احسن

ياسمين: ملوش لزوم هنا احسن

امجد: ليه

ياسمين: اسكت انت

امجد: انا جعان

ياسمين: انا الغلطانه انى جبتك معايا

انا: اهدلى يا ياسمين انا هاخد امجد ونروح نجيب فطار

ابراهيم: ممكن اجى معاكى

وائل: احسن برده تعالى معايا يا ابراهيم ولو تحب يا امجد تعال وخليكى هنا يا وسام

ابراهيم: ولا اقولك روح انت اصل رجلى وجعانى

وائل: ماشى

انا: وائل استنى انا جايه

(وجرى ورا وائل وامجد)

وائل: اسف يا وسام والله معرفتش اخلص منه

انا: لا والله انا مش مدايقه انه جه انا بس خايفه يحتك بشرف

وائل : ولا يهمك مهو انا مش هسمحله يتخانق مع شرف

انا: هههههههههههههه لا انا خايفه من العكس

(المهم روحنا الكافتيريا وجبنا الفطار

لاقيت شرف جى )

شرف: انتوا هتفطروا طب هاجى افطر معاكوا

انا: واصحابك

شرف: لا انا قولتلهم نص ساعه وراجع

وائل: تنور يا مان

(وائل طلع المحفظه علشا يدفع لكن شرف منعه)

شرف: عيب عليك دا ضيوف وسام ضيوفى

وائل: بس احنا مش عايزين نكون ضيوف تقال

شرف: شكلك بخيل

وائل: انا لا والله

شرف: امال مش ناوى تعزمنى لما اجى عندكم

وائل: اعتبر دا وعد

شرف: ان شاء الله

انا: ممكن تخلصوا امجد جعان

شرف: دا امجد لوحده ده لازم يدلع النهرده

امجد: بجد

شرف: طبعا تامر بايه يا ياشا

امجد: اى حاجه

(شرف ملى كيسه حلويات واداها لامجد)

شرف: مسامحنى

امجد: ليه

شرف: ولا حاجه

(المهم رجعنا لاصحابى)

ياسمين: امجد ايه كل ده

انا: شرف الى كان عايز يدلعه

(المهم شرف انفرد بوائل و ابراهيم شويه لحد مكلنا)

(وانا قعدت مع البنات)

ياسمين: اهدى يا وسام شكلهم هيبؤ صحاب

انا: مش مطمنه

نسرين: حتى لو ضربه شرف يدى جامد

انا: يعنى ايه يدى جامد

نسرين: يعنى شكله هيغلب غير ان وائل فى صفه وصحابه وراكى

انا: يا دى المصيبه

ياسمين: اهدى كله فى صف شرف

انا:مش خايفه انه يضرب شرف خايفه ان شرف يتهور ويتفصل

نسرين: خايفه عليه بصراحه هو يتخاف عليه دا قمر

انا: اتهدى يا نسرين مش ناقصاكى عجبك اهه قدامك

نسرين: وعلا ايه اسكت يا لسانى اسكت يا لسانى

ياسمين: اهدى يا وسام احنا جايين نستمتع

انا: حاضر ههدى

(جيجى ولولو دخلوا فى الحسبه وجم يعدوا معانا)

جيجى: ايه ينفع نتعرف

انا: طبعا جيجى ولولو زمايلات شرف

جيجى: زميلات ماشى اصلى عارفه ان الى فى القلب فى القلب

نسرين: اسكت يا لسانى اسكت يا لسانى

انا: المهم دول بقى نسرين وياسمين صحباتى

لولو: تشرفنا

جيجى: حقيقى الطيور على اشكالها تقع

نسرين هاجت : نعم فى حاجه

انا: عادى يا نسرين هو انا هلاقى احسن منكم اصحاب

ياسمين: طبعا اخلاق و دين وتفوق

جيجى: انتوا فهمتونى غلط

نسرين: وان كان عالجمال محناش وحشين الحمد لله

لولو: اهدولا يا بنات جيجى متاقصدش

ياسمين: ولا تاصد

انا: ممكن تهدوا احنا جايين نستمتع

جيجى: على العموم احنا قايمين: قومى يا لولو نعد وسط صحابنا احسن

نسرين: طريقك اخضر

انا: ليه كدا يا نسرين

نسرين: الى فى القلب فى القلب البت راسمع عالواد وبالصريح

انا: واحنا مالنا

نسرين: اسكت يا لسانى اسكت يا لسانى

انا: اه السكوت له احسن

ياسمين: طب والله جدعه ربتها دى مستفزه

انا: يعنى شرف يعامل صحابى بزوق واصحابى يزعلوا صحابه تنفع

نسرين: طب اللحقى شرف بيتخانق

(بسرعه اتنفضت وبصيت ناحيه شرف وهو خد باله من الى انا عملته وام جاى)

انا: ماشى يا نسرين والله لوريكى

شرف: ايه مالك

انا: ولا حاجه

شرف: انسهى نسرين شكرا

نسرين: العفو بس ليه

(شرف دحك)

شرف بصلى:انت ليه كنتى بتسكتيها

انا: هى جيجى حكت

شرف: اه

انا: انا اسفه

شرف: ليه هيا تستاهل على العموم ابراهيم......................

انا: ماله

شرف: ايه بالراحه مالهوش مغلطش لحد تلواتى بقولك انا جالى تليفون من واحد صحبى هخش المبنى علشان هو عايزنى فى حاجه قدام المدرج دقيقه وجى

انا: ماشى

(رجعت لصحباتى )

نسرين: متيجى نروح نجيب شاى ولا نسكافيه

انا: يلا تييجى يا ياسمين

ياسمين: لا انا هنضم للباقين

انا: ماشى

(مشيت انا ونسرين شويه ولاقيت واحد بينده من ورا

اضيرت لاقيته ............................................)